Haukeliruta
Odda-Bø
Laurdag 4 juli 1998
Velkomen
til den 18. Haukeliruta på sykkel frå Odda til Bø. Starten
går frå Odda Ungdomsskule, ved Sandvinvatnet eit par km frå
Odda sentrum.Turen går over to fjell, med høgste punkt 1148
meter over havet ved Dyrskar.
Starten
går puljevis, med opptil 25 i kvar pulje. Den/dei første går
kl 06:00, og er utan tidtaking. Puljer med tidtaking startar frå
kl 06:30. Racerpulja går sist. Sei frå dersom du vil starte
i ei spesiell pulje, eller vil sykle i lag med nokon.
Påmelding
skjer på giroblankett som er vedlagt innbydinga til rittet, eller
ved å gi beskjed via epost til
Erik Dybdahl eller på tlf 35 95 16 27 (kveldstid), og samstundes
sende rittpengar til Sykkelgruppa i IL Skarphedin, Postboks 72, 3800 Bø,
kontonr 2630.07.07474. Oppgi fødselsår, puljeønske,
om du vil ha plass på buss. Og korrekt namn, adresse og klubb.
Eingongslisens
kr 50 kan betalast saman med påmeldinga, eller ved henting av startnr.
Transport
Det blir sett opp buss og trailer for transport av ryttarar og syklar frå
Bø til Odda, fredag kl 16:00 ved Bø Stasjon. Møt opp
før kl 15:00.
Overnatting
kan skje på medbrakt madrass i gymsalen på Odda Ungdomsskule
for kr 20. Behøver ikkje førehandstingast. Elles er det godt
om overnattingstilbod i Odda.
Prisen
er kr 250 ved påmelding før 22 juni. Etter dette kjem etteranmeldingsgebyr
på 100 kroner i tillegg. Buss til Odda kostar kr 200 som kjem i tillegg,
dersom du vel denne transportmåten.
Bekrefting
på at påmelding er mottatt blir gitt til alle som er melde
på innan fristen 22 juni. Denne har opplysning omstartnr, pulje,
starttidspunkt og eventuell annan oppdatert informasjon om rittet.
Startnummer
blir utlevert på rittkontoret i Odda Ungdomsskule fredag kveld mellom
19 og 22.
Rittreglar
Norges Cykleforbund sine reglar for turritt gjeld. Hjelm er påbode
Resultatliste
blir sendt ut straks etter rittet til alle deltakarar.
Løypeprofil
Løypebeskriving
Etter starten går løypa langs Sandvinvatnet 87 moh., før
stigningane byrjar. Etter Låtefoss blir det brattare, og opp Seljestadjuvet
svært bratt. Vidare over Røldalsfjellet og ned til Røldal,
der det er saftstasjon etter ca. 40 km.
Så går turen opp den bratte Austmannlia, litt mindre bratt
opp mot Svandalsflonatunnelen, gjennom denne, og så lettare terreng
framom Dyrskar som er høgste punktet på løypa, godt
over elvehundre meter over havet. Etter 80 km er det matstasjon ved inngangen
til Vågslidtunnelen.
Den tyngste delen av løypa er nå unnagjort, og det kan
gå svært raskt ned mot Haukeli, men kaldt kan det vera på
fjellet. I Grungedal er ein halvvegs til Bø, og det er kort veg
til saftstasjon ved Vinje Samfunnshus.
Deretter er det oppoverbakke att, men frå Bøgrend er det
lett terreng fram til Åmot, ca 80 km frå målet. Her startar
dei bakkane som for mange blir dei tyngste, dersom ein ikkje har tatt det
tilstrekkeleg med ro tidlegare: Grønliheia. Det er godt å
kome til toppen her, og trille ned forbi Høydalsmo til saft og varme
vaflar i Morgedal.
Med nye krefter går det så greitt dei to mila ned til Seljord,
og i småkupert lende langsmed Seljordsvatnet, der ein kan stogge
for is og brus ved Sanden Camping.
Siste mila går svakt hallande ned til Bø, ca 75 meter over
havet.
Målet er ved Bø Hotell, fyrste veg til høgre i Bø
sentrum. Her er dusj, varm suppe og medaljeutdeling, og vanlegvis varmt,
godt sommarver. Og ikkje langt unna ligg Bø Sommarland, der kanskje
familien er medan du syklar?
Vel møtt, og god tur!
IL Skarphedin
Sykkelgruppa
Sist oppdatert 6 februar 1998